Garbanzos de cores

Traemos unha nova proposta. Nesta ocasión a idea é empregar esta actividade como ferramenta para traballar a lóxico- matemática. Porén, tede en conta que calquera actividade das que propoñemos pode empregarse para todo aquilo ao que á vosa imaxinación se lle ocorra.

Comezamos!

Materiais: 

- Garbanzos.

- Témperas de diferentes cores (ou calquera outro material do que dispoñamos para pintar garbanzos)

- Recipiente para pintar.

- Caixas, hueveras, vasos de iogur ou calquera contenedor que teñamos pola casa.

1º.- Empregamos un recipiente para poder pintar. Botamos unha presa de garbanzos e pintamos, imos repetindo o mesmo con cada cor das que dispoñemos.

2º.- Cos garbanzos mollados, usamos un folio e movémolos pola superficie pintando cos garbanzos.

Seguro que se nos ocorre algo para empregar ese folio de cores!

3º.- Empregando as mesmas cores pintamos as caixas, podemos empregar hueveras, vasiños de iogur ou calquera outro recipiente que teñades pola casa.









4º.- Unha vez estean secos xa temos todo preparado para facer clasificacións.
Segundo o nivel de desenvolvemento de cada neno/a, pódense empregar para diferentes actividades:

- Clasificar os garbanzos por cores, cada unha no seu oco e nomeando as cores que se están a empregar.
- Contar cantos garbanzos hai de cada cor.
- Buscar cal é a cor na que hai máis garbanzos e na que hai menos.
- Colocar cada número ao lado da cantidade que representa (podemos facer tarxetas cos números con papel e rotu).
- Facer unha serie ascendente e outra descendente, colocando a tarxeta do número e os garbanzos que corresponden a ese número en fila encima do mesmo.
- Tirar un dado, escoller unha cor, e poñer tantos garbanzos desa cor como nos manda o número que sale no dado.
- Iniciarse na suma empregando dúas cores, contamos os garbanzos que hai por separado de cada cor e os que hai cando xuntamos as dúas cores.
- Mesturar garbanzos de dúas cores, contalos en total e logo clasificalos nas cores correspondentes. Buscar con outras cores, diferentes formas de colocar os garbanzos para que nos salga o mesmo número que tiñamos ao principio (que o número total non sexa superior a 10 para traballar a descomposición).
- Calquera outra actividade que se vos poida ocorrer. As posibilidades son infinitas.




5º.- Despois de xogar deben recoller todo, non vos vamos a enganar, os garbanzos acabarán polo suelo, e outra actividade interesante é traballar a pinza motriz ao recollelos. Se empregamos unha caixa, bote de colacao ou calquera recipiente que teñamos na casa para gardalos, é un material que podedes empregar todas as veces que desexedes.

Moito ánimo! Esperamos que vos guste a actividade!

Xa queda menos para vernos.

TODO SAIRÁ BEN